| | |
|
|
| كلمة الإدارة |
 | | | |
 |   |  | ||||||||
| ||||||||||
 |   |  | ||||||||
 الإهداءات |
| الإهداءات |
 |
| | LinkBack | أدوات الموضوع | إبحث في الموضوع | انواع عرض الموضوع |
05-12-2009, 03:36 AM
| رقم المشاركة : 11 | |||
|   ( ا لـ خ ـيــ ا نــ هـ !! ) من بعـد مـا كنـت احسبنّـي نسيتـك مدري اشجابك على البال وذكرتـك ؟؟ ولا وعيـت إلاّ وانـا قـدّام بيتـك !! ماتقول انّـي قبـل مـدة هجرتـك ؟! ذا مكاني .. لاغفـى الليـل وسريتـك شف ّ كم لي .. ما سريت ولا سهرتك ؟ وذا مكانـك .. لا تضايقـت وجفيتـك وشف ّ كم لك .. ماترجّيت وعذرتـك ؟ وذا مكـان قلوبنـا .. لحظـة هويتـك فيه عمـري اختصرتـه واختصرتـك واقف .. وكنّي مـن احزانـي بنيتـك (جسر) .. مابين الزمانين وعبرتـك !! آتذكّـر .. وش خذيـت ووش عطيتـك يوم كنـت انقـاض وبحبـي عمرتـك وآتذكّـر .. ساعـة انهـوك وبديـتـك كيف بجروحي عن جروحي سترتك !! وكيف بعت احلام عمـري واشتريتـك وكيف كنت اشنع هزيمـة وانتصرتـك وكيف كنت الملح ..لكنـي رويتـك !! وكيف كنت الزيف .. لكني ذخرتـك !! ادري اني جـد ّ.. مـن قلبـي بغيتـك وادري انّي رغم كـل هـذا خسرتـك انتظرتك .. ( عمر ) حتى اني لقيتـك والقهر مدري على ويش .. انتظرتك !! كنت احبك .. كنـت !! لكنـي سليتـك ومـا بقـى سلمتـه الريـح ونثرتـك وانـت لاا تزعـل اليـا منـي رثيتـك بعد مـا خنـت وتوفيـت وقبرتـك !! والله انـي .. لاحزنـت ولا بكيـتـك مثـل مـا عمّرتـك بقلبـي دمـرتـك بس تدري ليش عقب غيـاب جيتـك ؟ واهتدت رجلي على بيتـك وزرتـك؟؟ بشكرك .. على آخر طعونـك فديتـك ليلة فراقك .. نسيت !! وما شكرتك !! ْْْْْْْْْ (( ليــّــــن العــــــــود )) ليّـن العـود مـال وميّـل ظلالـه وايق بصدر شاعـره وقفـل بيتـه فـوق قلبـي تركـيمنـاه وشمالـه واسبـل الدمـع وابكانـي وبكيتـه كنه يقول : شي ٍرحـت مـا قالـه وكني اقول: لا توّصيـه وصيتـه!! وان تنهت من الفرقـا علـى فالـه كنها: رماااح في صـدري تناهيتـه قلت له : والظروف اقوى من آماله اعتبـر حبّنـا موقـف وعديتـه!! عيش دنياكـوانسى الحـب وهبالـه وانا بنسـاك !! وازعلتـه وخليتـه عندي اني : اليا ضايقتـه اشوالـه وعنـده انـي : تنكـرت وتناسينـه ويعلم الله .. مانـي سالـي ودالـه ماخبـر يـوم مـرّ .. ولاتمنيـتـه احلم فيه .. واصحى .. وتهيى لـه كـم تخيّلتـه وزانـي وناديـتـه؟! مايس القد صالبني على اطلالـه!! مـن تركتـه مكانـي مـا تعديتـه ما اقدر انساه وانسى (وفرة خصاله) اقسـم بربـي اغليـتـه وحبيـتـه من تقهـواه عشـق وهـز فنجالـه جعله يموت قبـل يشـوف ذريتـه والله انـي حزيـن وحالتـي حالـه كل مـا يُمكـن اسويـه سويتـه !! ليتني اقدر اعرف وشهي احوالـه؟؟ ولا عن حالتي عقبه درى ليتـه !! وليتني كل مـا مريـت فـي بالـه ادري انـي علـى بالـه ومرتيـه يكفى احساسي بوصله عن وصالـه بشعر بجيّتيه لـو كـان مـا جيتـه وليتنـي قبـل مـا اخليـه بلحالـه بست راسـه وودعتـه وخليتـه !! ***** القصيدة ..: شــووت :.. الفكر ضد الموت فـي كـل الاوقـات واللـي بليّـا فكـر عايـش بتـابـوت الصـح منـه يـدوم ويخلـد أمــوات والاّ الغلـط مجـرد سنيـن ويـمـوت والشعر لوما صار (ساعـي قناعـات ) يصبح حكي .. لكن على هيئة بيـوت !! والصـدق مفتـاح الكرامـة ومنـجـاة يكسيك من لبس الثنـاء مشلـح وكـوت والكذب نقص عقول وفعـول واثبـات: بـان أغلـب الياقـوت ماهـو بياقـوت والحب (أحلى شي) .. إلاّ مـع الـذات والدار (أغلى شـي) .. إلاّ بـلا قـوت والدين .. عز .. وهيمنة .. وانتصارات لاصار فعـل وقـول وإجهـاد وقنـوت يوم المشايخ .. قبل عصـر الدويـلات تنقل كفن وسـلاح ماتنقـل بشـوت !! في وقتها ياهـل الخطـب والشعـارات سالت دموع العز من (عين جالـوت)!! وفـي وقتنـا .. ياصانعيـن القـرارات نضحّي بغزة علـى شـان بيـروت !! والفرق شاسع .. ياصراع الحضـارات والقول أكيـد .. وبالأدلـة .. ومثبـوت الماضي: أمجـاد وشمـوخ وفتوحـات والحاضر: مهايط ومقهـى وبيلـوت !! وأمـرّ وآدهـى .. ماهـو قـادم وآت لاصـار واقعنـا مبهـذل وممـقـوت يمثـل الأمـة فـي الامـة عصابـات وعلى خراب بيـوت تتعمـر بيـوت !! جلسات سريّـة علـى شـان جلسـات تفوّت اللـي مستحيـل انـه يفـوت !! واللعب واضح فـي جميـع المجـالات بتشوت ؟! صلح لي أصلح لك اتشوت !! والخيـر بيّـن فـي وجيـه البشـوات والشعب مستهلـك ومتعـب ومكبـوت حرية الراي : اختصـاص القيـادات !! وحنا تخصص ذل وانصات وسكـوت! ياصاحبي .. خل القصص والحكايـات وش ميزة التوت ؟ ان فقد لذة التوت ؟! إن مت ! من قول الحقايق .. سهـالات على الأقل تدري على ويـش بتمـوت ! والمشكله ماهيب فـي كثـر الاصـوات المشكله لاصار مال العقـل صـوت !
| |||
 |
|
05-12-2009, 03:54 AM
| رقم المشاركة : 12 | |||
| ( المسـأله !! ) احضّـرك واتلـوا عليـك البسملـه والفاتحـه والغاشـيـه والزلـزلـه واعلّمـك وش الحديـث المنطقـي من شان تعرف كل شـي ٍ تجهلـه خدمه .. بقدمها بـلا شـرط وثمـن يا صاحب آفـاق الخيـال الممحلـه وماهيب من بـاب المـوّده والغـلا لكّن من بـاب احتـواء البلبلـه !! كنت احسب ان سود الليالي ربّتـك واثرك على نفـس العلـوم الاولـه موّسـوس وحالتـك حالـه مزريـه الحلـم قدامـك وعاجـز تاصـلـه على مدار العام مـن قـل الثقـه : بينك وبين الشـك والريبـه صلـه ذكائك المزعوم حاجـه مؤسفـه !! تضحك علـى تفكيـرك وتستغفلـه سويت نفسك فاهم الوضـع وذكـي وكليتها يا بـو الشبـاب مفلفلـه !! ما احد ٍ جبرك تضيع وسط المعمعه وتستصعب الموقـف ولا تستسهلـه القصد واضـح والمعانـي واضحـه ليه اتمادى فـي الحكـي وتؤّلـه ؟ طويق ثابت والجبـل يبقـى جبـل فلنعتبـر هــذا ســؤال وعلله ؟! شفت ان مالك بالثقـه موطـأ قـدم كـب الغـرور المفتعـل ولاّ اقتلـه وان عوّدت نهـج وقناعـات وفكـر الاجوبه ترضـي غـرور الاسألـه المرجله لا صارت هايـط وشعـر مـا عـاد ابيهـا لعنبوهـا مرجلـه وان كانهـا مواقـف وقـول وفعـل ماعندي الا : تـم وابشـر وازهلـه خذ لك نصيحه كانت تسـام بجمـل يا مسيلمه او بالاصح يا عبهلـه !! لا عاد تخطب في شبـاب المجتمـع ريّح .. وخل الدين والنصـح لهلـه ولا عاد تشهد زور فارجـاء البلـد وتبقى كذا مـن مرحلـه لا مرحلـه حتى ابليس بيستحي من كذبتـك !! من كبرها ما هيب من ضمن عملـه واليا بغيـت الجـد سجّـل مايلـي واستحملـه واستوعـبـه واتقبـلـه ماهوب عيب انـك تغيّـر منهجـك العيـب وانـواع الخطـا والمهزلـه انـك تجـي كلـك وتستنقـد فئـه على فعل وانت اول اللـي يفعلـه !! راجـع حساباتـك وفكّـر واتعـض واضرب على نفسك جميع الامثلـه ان كان ما انت بكلهـا مثَـل مثَـل مـاوالله اقـول الشعـر واسترسلـه خلاصة الموضوع كله ( من - إلى ) بيت ٍ يوضح لك غموض المسألـه : أنا .. لو اني مـا لعبـت بحسبتـك ما كان يسبب لك قصيدي مشكله !! %%%المستشار يقول محمد جارالله السهلي انو جوزيف سكرتير عيادة اسنان كان لي موعد عمليه عندهم صادف الموعد يوم الامسيه وقمت بتأجيله لحضور الامسيه ومشاركة اخواني الظباط فرحتهم مرحبا جوزيف كيـف الحـال يالله حيّـه ولا تكلمني ( انجليزي ) يا الفتى النصراني قوم كنسـل موعـد الدكتـوره السوريّـه ماهي بلحيّـة مواعيـد وعـلاج أسنانـي أجّلـه 100 سنـه أو أشطـبّـه مولـيّـه موعدي حفـل ٍ عشانـه لابتـي تنخانـي وان ضرب عرق الحميّا ترقـص الجنيّـه شي مـا تستوعبـه يـا الجنتـل اللبنانـي واسلم وسلـم علـى المزيونـه الحوريّـه ولازم ترجـع ( فليساتـي ) ولا تنسانـي بكره ان شـق الـزراق وغنـت القمريّـه لو تدور الارض طول وعرض ما تلقانـي يا حلـو هبايـب الغربـي مـع الفجريّـه صفقهـا بشماغـي وتكيّفـهـا ربّـانـي انحر الخـط الجنوبـي وافهـق الطاقيّـه وابدع بيوتي واغني وانطـرب لالحانـي لين اوقف قدم بـاب ( منسـم الشرقيّـه ) الله يعافيـك يـا ( مدغـم ) ولا يبلانـي قـوم ياللـي منزلـك مابيـن ذيّ و ذيّـه احزم امتعتك وصحّصح واستريح اوزانـي وغن يا اعظم شاعر ٍ بالكـوره الارضيّـه والله انـي للقصيـد العالمـي شفقـانـي اسمع بيوتـك واكيّـم واسفهـه الدوريّـه معك احس ان القسايـم دفعهـا مجانـي ! لعنبوا من لا يعـدّك ( شاعـر الألفيّـه ) يا أمبراطـور القصيـد وسيّـده بأعيانـي وان وصلنـا حفلـة الكلـيّـه الحربـيّـه قلت بسم الله وما شا الله على مـا كانـي وقّفوا قـدام عينـي يـا الاسـود الحيّـه واسمعوا آخر قصيد ( الشاعر الزقعاني ) يـا فخـر كـل القبيلـه فكرتـي عفويّـه أي شـي يمـر قلبـي بنطقـه بلسـانـي انتـوا ظبـاط الشمـوخ وللفخـر ماريّـه ومجدكم ماهو بأية مجـد يـا الشجعانـي وصفحة الامجاد ماهـي صفحـةٍ مطويّـه سجلوا مجـدٍ جديـد وسجلـوا عرفانـي للرجال اللي استحقوا النجمه ( الخمسيّه ) ترفـع الـراس وتبيّـن هيبـة الامتانـي والـولا ماهـو جديـد وداركـم محميّـه تحت ظل اخوان نوره مكرميـن العانـي  برب ولـي عوده مع الشاعر الكبير محمد جار الله السهلي
| |||
| |
|
06-16-2009, 08:53 AM
| رقم المشاركة : 13 | |||||
| يسلمووو يالغلااا
| |||||
| |
|
07-20-2009, 01:09 AM
| رقم المشاركة : 14 | |||
|  جميله الفكرة
| |||
| |
|
11-02-2009, 03:58 PM
| رقم المشاركة : 15 | |||
| موضوع راااائع
| |||
| |
|
| مواقع النشر (المفضلة) |
| الكلمات الدلالية (Tags) |
| الأسٌبو, شَاعر |
| أدوات الموضوع | إبحث في الموضوع |
| انواع عرض الموضوع | |
|
|
.jpg)
العرض العادي
