كان الخبر مثل الصاعقة على منى ..وعلى طول جاء في بالها الشخص اللي أتصل فيها وهي في المكتب ..بس أبعدت هالإحتمال وقالت – لا- لإنه كان يبيني أقفل الشركة صح إنه هدد بس –لا – ما أعتقد .. وجلست تسأل نفسها مليون سؤال بس اللي قطع أفكارها صوت عادل وهو يقولها : هيا أنزلي إحنا وصلنا المستشفى ، نزلت منى من السيارة وهي موشايفة أي شيء قدامها من كثرة البكاء والدموع .. وصلت هي وعادل للإستقبال وسئل عادل الموظف عن شخص عمل حادث ووصل لهم قبل ساعتين أشر الموظف على قسم العمليات ولمح عادل أحمد واقف هناك ..
عادل : خير يا أحمد وين عبد الله ؟
أحمد أدعوله من يوم ماجاء وهو في هالغرفة وإلى حد الآن ماطلع ..أو حتى طمنونا عليه .
عادل : أهدؤ إن شاء الله مافيه شيء .. أنا بادخل وأشوفه ..بس دق على أهله ..
طبعا من هول الصدمة أغمي على منى وشالوها الشباب ودخلوها عند الدكتورة .. عطتها أبرة مهدئة وقامت بس إلى الآن عقلها مع عبد الله اللي طايح في غرفة العمليات وما خرج بعد
أحمد : خلاص يامنى –عبد الله – مافيه شيء أهدئ شويه أو روحي على البيت ارتاحي وإذا خرج بنعطيك خبر ..
منى بصياح : أحمد أنت صاحي أش لون أرجع البيت وأنا مش عارفة وش اللي صاير
أحمد : وش صاير .. إن شاء الله مافيه إلا الخير ..أهدئ .ز
ساد الصمت على المكان وبعد ثمان ساعات خرج عبد الله من العمليات ..
منى : الحمد لله أنه طلع بالسلامة وتجري على الدكتور وتسأله عن حالته ..
الدكتور : كل شيء تمام ولله الحمد ..وراح نوديه للغرفة الخاصة ، وإذا قام من البنج ممكن تدخلون تشوفونه وتطمنون عليه .
منى : ok..شكرا . الدكتور العفو .
قرروا الشباب أنهم يرجعون للبيت ، أما أحمد فأصرّ إنه يبقى مع عبد الله .. كلها أربع ساعات تقريبا ويدق أحمد على منى عشان يطمنها على عبد الله ويبشرها أنه قام .
منى ماصدقت خبر ..لدرجة أنها بغت تطير من الفرحة .. وعلى الساعة -5ونص- العصر قررت أنها تزور عبد الله في المستشفى عشان تطمن عليه وتعرف قصة أو موضوع الحادث
في المستشفى .. الكل كان موجود أهل عبد الله وأقاربه وأكيد أصحابه .. الكل كان فرحان لقومته بالسلامة .. أما هو فعقله وقلبه كانوا في عالم آخر .. وفجأة يدخل عادل ومنى : السلام عليكم
الجميع : وعليكم السلام .
منى : الحمد لله على السلامة –وتنزل باقة الورد وعلبة الشوكولاته على الدرج الموجود بالغرفة .
عبد الله : الله يسلمك .. مشكورة على الزيارة ماكان له داعي تتعبين نفسك ..
منى : لا عاد وش دعوة نحن أخوة .
عبد الله وهو منزل رأسه ووجه تلون مليون لون . أكيد .
أستئذن عادل وراح لشغله في نفس المستشفى اللي فيها عبد الله ، فحبت منى أنها تتكلم مع عبد الله وكالمعتاد أحمد معها .
منى : عبد الله ممكن أعرف وش قصة أو سبب الحادث ؟
عبد الله مسرح وفي عالم آخر ، وفي النهاية أنتبه لمنى وهي تكلمه : أبد سلامتك مافيه شيء قضاء وقدر .
منى : والنعم بالله ، بس أنا حاسة إنك مخبئ عليّ شيء وما تباني أعرفه .
عبد الله لف وجهه على الناحية الثانية وعيناه امتلأت بالدموع : مافيه شيء أنا تعبان وأبغي ارتاح إذا ماعليكم أمر .
منى : ok خذ راحتك وبعد ماتقوم بالسلامة راح نكمل كلامنا .. مع السلامة .
عبد الله : مع السلامة ..
أحمد : تبغين أوصلك للبيت . منى : لا مشكور السائق ينتظرني تحت .. مع السلامة .. أحمد : مع السلامة .
رجع أحمد عند عبد الله الغرفة – عبد الله كان جالس على السرير وحاط رأسه على رجوله –، رفع أحمد رأس عبد الله وتفاجأ من اللي شافه : عبد الله وش فيك – ليش الدموع – عبد الله الدكتور قالك شيء
عبد الله وهو يمسح دموعه : لا مافيني شيء بس تعبان شويه .. قام أحمد عشان ينادي الدكتور بس تفاجأ بيد عبد الله اللي ماسكه .. عبد الله : أحمد مافيه داعي –دواي مش عند الدكتور – وكمل كلامه والعبرة خانقته : دواي منى ياأحمد .. دواي منى ..
أحمد : طيب إذا تبيها أتصل فيها عشان ترجع .. عبد الله : لا ، أنا ماعدت أبيها تجي عندي .
أحمد بإستغراب : يعني شو ماعدت تبيها تجي عندك والشغل اللي بينكم , وحبك لها ..
عبد الله : مثل ماقلتلك ماعدت أبيها تجي عندي ، وأبيك أنت تقولها هالشيء
أحمد : أنت أكيد منت صاحي .. عبد الله وش الموضوع تكلم ؟
عبد الله : بعدين بعدين ياأحمد .
احمد وهو بينفجر من الغيظ : وش هو اللي بعدين ،، عبد الله الظاهر أن كلام منى عن الحادث صحيح ..
عبد الله: ليش ، منى وش قالت ؟
أحمد : قالت أن فيه أحد تسبب لك بالحادث .. ليكون تضاربت مع أحد ..
عبد الله :هههههههههههههه والله لي مدة ماضحكت زي كذا .. خلاص تراني تعبت ..
أحمد بجدية : عبد الله قولي وأنا أخوك وش السالفة ؟ وليش ماتبغى منى تزورك مرة ثانية ؟ وش الموضوع اللي مخبيه عليّ .
عبد الله : ok خلاص بأقول بس لي شرط ؟؟
أحمد : أنت تأمر أمر .. وش شرطك ؟
عبد الله : أبغى أخرج من المستشفى .. وأبيك تكلم الدكتور أنت أو عادل .
أحمد : إيه بس أنت إلى الآن تعبان .. وأنت مو قادر تمشي أو توقف على رجولك من الدوخة اللي عندك .
عبد الله : أوه ياأحمد تراك رفعت ضغطي ، والآن ممكن ياعمو أحمد تروح للدكتور وتخليه يكتب لي على خروج اللحين .
احمد : بس الدكتور ماراح يوافق . عبد الله : لا تخاف أنا متأكد إنه بيوافق .. وبعدين لو –لاسمح الله – ماوافق .. أنا أرسلتك عنده ليش تتوقع ؟
احمد والدهشة وعلامات الاستفهام على وجهه : على راحتك ، بس أوعدك أني أضل وراك إلى ما أعرف الموضوع كله وبطريقتي الخاصة .
عبد الله : ههههههههه ok ..اخلص وروح للدكتور وبلاش كثرة هرج يامحقق كونان ، منى ماكذبت يوم سمتك المحقق كونان .
أحمد وهو يضحك : طيب .. حاضر ياعمي عبد الله ..
كالمعتاد راح أحمد للدكتور وكلمه عشان يخرج عبد الله بس للأسف ماوافق .. لأن الدوخة اللي عنده مو طبيعية .
في الأسبوع الثاني ويوم السبت .. عبد الله وهو يرمي بالمخدة تجاه وجه أحمد شغلك عندي وفجأة إلا وباب الغرفة ينفتح وتضرب المخدة وجهها
أحمد جلس من كثرة الضحك لأن شكل وجه منى يموت من الضحك وخاصة لما لفت وجهها وضربت برأسها في باب الغرفة ، أما عبد الله حاول إنه يوقف بس ماقدر بسبب الدم اللي نزفه في الحادث .. حاولت منى إنها تلطف الجو وخاصة لما شافت وجه عبد الله صاير أحمر .. ماعرفت هل هو خجل واللا من الفرح بشوفتها ..
منى : أنا أعرف أن أحمد مجنون .. بس ماكنت أعرف أن جنانه أنتقل لك ياعبد الله ..
عبد الله : والله في هذه معاك حق ، أنت لازم تقولين لأمه تنقله لشهار في الطائف وإذا حبيتِ التكاليف عليّ . أحمد وهو يقرب من أذن عبد الله : الآن أنا اللي مجنون واللا من الفرحة بشوفتها نسيت جنانك .
عبد الله وهو يضرب أحمد على كتفه –بهمس- سد حلقك لا تسمعك .. أحمد وهو يستأذن للخروج : معاك حق من شاف أحبابه نسى أصحابه . منى بدعابه : اكيد ، لا تنسى أنا منى .
استأذن أحمد وخرج وبقيت منى وعبد الله في الغرفة لوحدهم ، منى : هاياعبد الله وش قالك الدكتور اليوم ؟
عبد الله : أبد ماقال شيء . منى : أجل ليش تبي تخرج من المستشفى وأنت إلى الآن ماكملت أسبوع .
عبد الله وهو مستغرب : من اللي قالك أني بأخرج ؟ منى : أكيد أخويه .
عبد الله بتساؤل : بس عادل مامرّ عليّ اليوم . منى : ومن اللي جاب طاري عادل ؟
عبد الله بصوت منخفض : أكيد أحمد هو اللي قال لها ، حسبي الله على شيطانك .
منى : أحمد هو اللي قالي على موضوع خروجك . عبد الله : وأنت جاية إلى هنا ، عشان تقوليلي لا أخرج وأنتظر كم يوم .
منى : أكيد واللا أنت ناسي إنك الأخ الرابع . عبد الله وهو يحاول يخفي غضبه ونرفزته من هالكلمة : أكيد نتشرف يامنى .
منى : طيب .. والآن ممكن تقولي وش سالفة الحادث أو كيف صار ؟
عبد الله : منى .. لو سمحتي أنا ما ابغى أتكلم عن سالفة الحادث ، وإذا كنت جاية ومتعبة نفسك عشان هالموضوع فارتاحي ،، وبعدين ليش معتقدة أنه صار بفعل فاعل .. تري كل الموضوع قضاء وقدر .
منى : والنعم بالله لكن المرور اللي باشر الحادث قال إنك كنت مسرع لدرجة الجنون ، وأنت عمرك ما أسرعت هالسرعة الجنونية هذه . عبد الله : لو سمحتي غيري الموضوع كفاية . منى : على راحتك ، بس حبيت أعرف الموضوع عشان أتطمن عليك هذا كل شيء . دخل أحمد على غرفة عبد الله ، كانت منى واقفة أمام النافذة الموجودة بالغرفة ، أما عبد الله نايم على السرير ومعطي منى ظهره .. حس احمد أنه صار شيء بس ماحبّ يعلق ، لأن منظر عبد الله حزين لبعد حد ، أنتبهت منى لحمد وهو واقف عند الباب ويطالع عبد الله ، فخرجت من الغرفة واتجهت لعيادة عادل رحب عادل فيها وطلب لها عصير ليمون ..
عادل : منى ..خير فيك شيء ..وبعدين ليش الكآبة هذه ؟
منى : أبد – سلامتك – بس شوية صداع ،، اقول عادل . عادل : نعم – آمري وش بغيتي ؟
منى : عبد الله ماقالك شيء عن الحادث اللي عمله ؟ عادل : لا .. ليش وش صاير؟
منى : لأني واثقة إن وراء هالحادث سالفة .
عادل : وأنت وش عرفك ، عبد الله قالك شيء ؟ منى : المشكلة مو راضي يتكلم ، وكلما سألته قال : قضاء وقدر . عادل : طيب وين المشكلة ؟
منى : بصراحة ما أعرف بس حاسة أنه فيه شيء . عادل : تعوذي من أبليس وروحي للبيت وارتاحي . منى : يالله .. كأنها طردة محترمة .. بس مو مشكلة أنا رايحة رايحة.
عادل : أفا عليك ، أنت الداخلة وأنا الخارج يا لغالية . منى وهي واقفة : طيب يلا بااااي ولا تتأخر على الغداء واللا بأتغدا أنا والوالد بروحنا .
عادل : لا وش دعوة ، معقولة تتغدون بدوني .. كلها ساعة وأكون في البيت إن شاء الله .
منى : ok.. بااااااااااااااااااااااااي .
ويوم كانت خارجة من عيادة عادل تقابل عبد الله وأحمد عند الباب ، سلمت عليهم وودعتهم .. بس قبل ماتكمل طريقها سمعت صوت عبد الله وهو يقول لها : منى انا آسف .
منى بإستغراب : بسم الله عليك ، خير عبد الله فيك شيء ؟
عبد الله : لا- ليش ، كل هذا لأني أعتذرت لك ؟ منى : لا- مو كذا بس متفاجأة
عبد الله : من شو متفأجأة ؟ منى : لا – ولا شيء لا تحط في بالك ، على العموم أنا قبلت أعتذارك حبيبي ( زلة لسان ) .
عبد الله وكل علامات التعجب والدهشة والإستفهام على مُحياه : حبيبي . منى : طبعا حبيبي ونظر عيني بعد ( تحاول أنها ترقع الموضوع )لأنك أخويه واللا عندك شك في هذا ؟
عبد الله وفي داخله بركان بينفجر من هالكلمة : أكيد وش دعوة يامنى .حاول أحمد أنه يلطف الجو بدعاباته اللي مالها نهاية أبد ، وخاصة لما لاحظ وجه عبد الله وكيف صار مثل الدم لما ذكرت أنه أخوها . رجعت منى للبيت وصعدت غرفتها بدلت ملابسها وأرتمت على السرير لأن لها أسبوعين ما نامت مثل العالم والناس ، بسبب الحادث اللي صار لعبد الله وكمان لأن صوت الرجال اللي أتصل عليها قبل مايعمل عبد الله الحادث بأسبوع قالقها حيل .. نزلت إلى الصاله وجلست مع أبوها ...
أنتظروني في البارت الجاي بإذن الله .... محبتكم أسيرة المحبة 1408
الإهداءات
02-14-2010, 03:05 PM
أهدتني ( أحبك ) فأهديتها (حضوري لزفافها) من غيري 
المواضيع المتشابهه 
.gif)
العرض العادي
