منتديات حلا نجد

.............
لاضاق صدري رحت للبر حطاب
وشبيت ناري في صحاري خلاها


وسط الفياض اللي بها أزهاروأعشاب
ريح الخزامى فايح(ن) في مساها


استرجع الذكرى على راس مرقاب
وارسم لقلبي صورة(ن) ما نساها


دنياك تلبس لك عباية وجلباب
وتخفي غدر سود الليال وجفاها


شفت القمر يوم اكتمل صار جذاب
نور ليال(ن) مظلمة في سماها


ترى العمر مثل القمر طل ثم غاب
اغنم حياتك لاتكدر صفاها


حافظ على الطاعة قبل يقفل الباب
ثم يتبين صحها من خطاها


اليوم فعل الطيب راعية ماخاب
عندالرجال اللي بعيد(ن) مداها


الطيب يبقى يافتى الجود لو شاب
في شجرة(ن) سيل المكارم سقاها


والبيت مايبنئ بلا اوتاد واطناب
ومن لابنئ يسكن مذاري هواها
.................................
وسلامتكم.....

مشاركه رائعة اتمني لكي التوفيق

مشكووره
يعطيك العاافيه