منتديات حلا نجد

السلام عليكم..

كيف تكون قيادي بدون صلاحية..

موضوع ودي كل موظف يتفضل يقرأه وكل من راح يقبل على وظيفة لكي يستفيد .

هذا عنوان دورة التحقت بها منذ فترة طويلة سألخصها لكم بطريقة تسهل على الجميع فهم الفكرة لكي يستفيد الجميع من الموضوع..
ولكن قبل البدء بالموضوع سأطرح عليكم عدة أسئلة:
س1 : لو أنت داخل وكالة سيارات مثلا وتشوف من بعيد شخص مرتب وشكله شوي كشخة و قلت في قلبك شكله مسؤول في الوكالة , وثاني لابس ثوب بدون شماغ و مخلي بس الطاقية كأنك تحس انه مخلص دوامه ويبغى يمشي . من تختار عشان تسأله ؟؟
س2 : وهل من الضروري انه يكون في فرق بين الإثنين في الوظيفة أوالرتبة وهم يؤدوا نفس العمل وعلى نفس المكتب ؟
س3 : ومن فيهم تتوقع انك بعد فترة لما تزور الوكالة بتلاقيه ترقه إلى مدير المبيعات ؟

الأجوبة ما راح نختلف عليها كلنا وهي :
ج 1 الموظف الكاشخ.
ج 2 مو ضروري يكون في فرق.
ج 3 اكيد المهتم في مظهره.

يا إخواني و أخواتي المظهر ما هو محور حديثنا اليوم , محور حديثنا راح يبين مع الكلام الجاي.
كيف تكون قيادي ( رئيس ) بدون صلاحية..
لو نلاحظ سوا غالبا الرؤساء في مجالات العمل المتعددة يتميزون بحسن مظاهرهم ليس تباهي و تفاخر كما يعتقد البعض ولكن هذا هو الأسلوب المتحضر المطلوب لمثل هذي المناصب , وبدورنا إحنا كموظفين صغار جدد نحتاج إلى وضع خطط مستقبلية في حياتنا العملية مثل إني أقول مثلا : أنا راح أصير Supervisor على المجموعة إلي معاي و لكي أكون كفؤ لهذا المركز لازم اتبع خطى اللي قبلي من الرؤساء عشان أكون مثلهم مثلا:
الخطوة الأولى إني أحاول أغير ملابسي من التي شيرت ( بلوزة ) العادي اللي نلبسه ونظن أنفسنا يعني مع الموضة الى أقمصة وبنطلونات أكثر رسمية و الاهتمام بالمظهر والطيب وبالشكل وطريقة الكلام راح أكون متميز نوعا ما من بين زملائي " الكول " و الو ويست . الخطوة الثانية تغيير طريقة المعاملة لازم أكون الجوكر أي زميل يحتاج خدمة أحاول أخدمه بكل ما أملك من قوة و معرفة ( حتى لو كان بينا تصادم ) لأن هالشي راح يشوفونه الرؤساء الكبار مش علشان سواد عيون الزميل. و أي رئيس يحتاج أي خدمة اقوم بها " طبعا بعيدا عن خدمات الغير منطقية " وهذي الخطوة تبين مدى حبي الى التعاون و نتيجتها ارتياح الرؤساء مني لأني بهذي الطريقة راح أريح رؤوسهم من أسئلة الموظفين وخاصة الجدد .
الخطوة الثالثة التداخل مع الرئيس في عمله اليومي يعني ( اللقافة ) بس بطريقة راقية , يعني صب له القهوة الصباحية وتعال وقف جنبه و بعد ما تعطيه القهوة مثلا بيكون منحرج منك هو شوي انت استغل الفرصة واسأله أي سؤال تكون تتوقع منه يردك من قبل وراح يجاوب عليك و مع الوقت راح يحس الرئيس انك انت شخص مهتم بالعمل , ومع مرور الايام وزيادة الثقة راح تشوف إن بعض المسؤوليات راح ترمى على ظهرك من قبل الرئيس المباشر وهذا شي ايجابي لأن هذه بوابتك الى الترقية الجاية , وبعد ما تكون تمرست في الاعمال الخاصة بالرئيس بتكون محط الأنظار من قبل زملائك اللي إذا احتاجوا أي استفسار راح يكلموك انت أول لأن الحواجز اللي بينهم وبين الرؤساء ما زالت موجودة , وتنبيه بسيط لو رجعنا لموضوع المظهر , في غياب الرئيس وجا ضيف من بره القسم اللي انت فيه مثلا رئيس من دائرة ثانية أول ما يجي يبي يستفسر عن شي بيبحث عن شخص شكله لائق وهو بيخمن إن أأنق شخص هو المسئول هنا . وهو بيكون انت . وبعد ما يمشي من عندك بيكون حفظ اسمك وشكلك وراح يحطك في مخططاته المستقبلية.
والخطوة الرابعة هي انك تظل تحسس الرئيس إنك تحت مظلته ومش انك تنتظر سقوطه للركوب على اكتافه , وحسسه دائما بأن الاعمال اللي تقوم بها له شيء بينكم وانه ما يطلع بره أي شي من إلي انت تسويه.
الخطوة الخامسة كون على أهبة الاستعداد لأي يوم يخلوك فيه مكان الرئيس مؤقتا لأنك انت المرشح الأول لهذا المنصب و تأكد إن هذي هي الخطوات الاخيرة قبل الوصول الى المنصب المنشود.

وفي النهاية انت صرت عندك خبرة الرئيس ومعرفة تامة بكل تفاصيل أعماله , وفي نظر الزوار انت شيء لا يقل عن مسؤول وفي وجهة نظر الرؤساء انت المخول لمنصب الرئيس بعد الرئيس الحالي.
__________________
منقووووووووووووووووووووووووووول

موضوع قيم للارتقاء بشخصك

وبعملك

دمت برقي


قتلني حبك

قتلني حبك

شكراً على مرورك العطر ودمت لنا بود

((( يخليك ربي )))