منتديات حلا نجد

البارت الرابع........



طلعت ريناد ركبت السياره وهيا تفكر ايش ممكن يسوي فيصل وقعدت تفكر الين ماوصلو البيت ووقفوا عند باب البيت
قالت ريناد خليني احسن اعتذر منه عشان يفكني
نزلو اخواتها كلهم في لمح البصر وهي علشان راكبه عند الباب الي ورا فيصل انتظرت عشان تقدر تكلمه وتعتذر منه ,,
وفيصل كان متوقع انها تعتذر منو فقفل زرار الامان حق بابها واول ماشافهم نزلو كلهم وقفلو الباب مشي بالسيار بسرعه وسار يفحط
وريناد وراه تصرخ وتبكي لانها ما تحب السرعه وهو يضحك عليها وعلى شكلها
ريناد :فيصل امآآآآنه خلاص .. وترجع تبكي
فيصل : انا مو قلت لك اني راح اوريكي
ريناد: لالالالا خلاص انا اسفه
فيصل : عشان مره تانيه تردي من اول مره ..
ووقف عند باب البيت ريناد وهي من غير شعور ضربته على كتفه ضربه قويه
فيصل : آي ايش هذا يد بنوته ولا مطرقه
ريناد : انحرجت ونزلت تجري .. الي ناداها فيصل من الطاقه وقالها
فيصل : ريناد ريناد بس احلى يد
طالعت فيه ريناد نظرة خجل ودخلت تجري على البيت
ثاني يوم اتصل ابو ريناد عليهم وكانت ريناد قريبه من التلفون وردت تحسبه فيصل
ريناد: الو
وليد: هلا والله ببنتي الصغيره
ريناد: صغيره ايش يابابا هذا كلوه وصغيره
وليد:ايوه صغيره
ريناد:طيب خلاص على كيفك صغيره صغيره
وليد:هههههه
رياد:بابا انت كيف حالك
وليد:تمام انتي كيف حالك طمنيني عليكم
ريناد:تمام كلنا طيببين بس انت مره وحشتنا
وليد:والله حتى انتو مره
ريناد:بابا متى راح تجي
وليد :كمان 5 شهور
ريناد:ليش كثير
وليد:ايش اسوي مو على كيفي
ريناد:ان شاء الله تعدي بسرعه
وليد:ان شاء الله ياللا بنتي سلميلي على امك واخواتك كلهم انا لازم اقفل علشان مشغول
ريناد: الله يسلمك
وليد:مع السلامه
ريناد:مع السلامه
قفل وليد وبعد خمس دقايق الا يرجع يرن التلفون ثاني ريناد اتوقعت انه ابوها افتكر شي ويبغى يقولها هو ومن اول رنه ردت
ريناد: هلا بابا
فيصل:انا مو بابا
ريناد: اها فيصل انا اسفه بس اتوقعت انه بابا علشان توه اتصل وقفل فاتوقعت انه افتكرشي
فيصل: يعني عمو وليد كلمكم
ريناد: ايوه
فيصل:اكيد قالكم متى راح يجي
ريناد:ايوه
فيصل:متى
ريناد:ماراح اقولك
فيصل: ماتبغي انتي طيب انا اوريكي
ريناد:لالا خلاص بقولك
فيصل:ايييييوه شاطره متى؟
ريناد:باقي له 5 شهور
فيصل :يوه مره كثير ما راح اقدر استنى هذا كله
ريناد:ليش الموضوع مهم لدي الدرجه
فيصل: ايوه مره مره مهم
ريناد:طيب
فيصل :ماتبغي تعرفي ايش هو الموضوع
ريناد:انا
فيصل : ايوه انتي ماتبغي تعرفي
ريناد:ليش ممكن تقولي
فيصل: اكيييييد
ريناد: على راحتك اذا تبغى تقولي قول
فيصل:يعني انتي ماتبغي تعرفي
ريناد:_________
فيصل: ماجاوبتيني
ريناد: الا ابغى اعرف
فيصل: الموضوع هواني ابغى اخطببببببببببببببببك
ريناد:_______________
فيصل:الو فين رحتي
ريناد:__________
فيصل:ايش رايك
ريناد:ماادري وحطت السماعه من اثر الصدمه
فيصل هنا صار قاعد يضحك عليها وعلى ردت فعلها
مر عليهم وقت وكانت تجهيزات الفرح حق ولاء
في الفرح عند الحريم كانت ريناد قمه في الروعه والجمال كل ما شفها احد قال ماشاء الله عليها كانت لابسه فستان طويل من وراه وقصير من قدام لونه احمر
وكانت حاطه مكياج ناعم بس حلو عليها
وعند الرجال كان فيصل يفكر في ريناد وفجاءه جات فكره في باله انه يرسل احمد ولد خالته مشاعل يجيب له اخبارها
فيصل:احمد حبيبي ابغى اطلب منك طلب بس ماتقول لاحد
احمد: ايش تبغى
فيصل:اول شي اوعدني انك ماتقول لاحد
احمد :اوعدك
فيصل:ابغاك تروح تشوف ريناد عند الحريم وتجي تقولي كيف شكلها
احمد: من جد
فيصل : ايوه من جد
احمد: طيب بس على شرط
فيصل : ايش هو
احمد: توديني الملاهي بكره
فيصل: من عيوني
احمد :اكيد
فيصل : اكيييييييييييييد بس روح شوف ريناد
احمد : طيب ...
وراح يجري يشوف ريناد واول مارجع عند الرجال وصفها لفيصل وهنا فيصل حس انه نفسه يروح يشوفها من كثر ماكان وصف احمد لريناد دوب قلب فيصل
الا طلع فيصل من جيب الثوب علبه صغيره فيها خاتم وقال لاحمد
فيصل : ابغى اطلب منك طلب ثاني
احمد: كنك زودتها
فيصل: علشان خاطري
احمد:طيب ايش تبغى
فيصل: خد هذه وديها لريناد
احمد:ايش فيها
فيصل:مالك شغل
احمد:من جد امانه قولي
فيصل:لا ماني قايلك
احمد:الله يسعدك ويخليلك ريناد
فيصل:علشان هذي الدعوه راح اقولك
احمد: طيب يلا قولي
فيصل: هديه لريناد
احمد : اها
فيصل:يالا روح اجري
احمد: طيب ايش اقولها
فيصل: اعطيها هي وقولها يقولك فيصل عقبالك
احمد: ياحركات
فيصل : يلا بسرعه وتعال قولي ايش تقولك وشوفها من بعيد تلبسه ولا لاء
راح احمد واعطها لريناد وقالها الي قاله فيصل بالضبط .... ريناد فتحت العلبه لقيت خاتم يطير العقل
ريناد: خالد هو قالك تعطيني هو
احمد: ايوه
ريناد: طيب ايش قالك كمان
احمد:قالي اقولك عقبالك
ريناد: طيب روح قوله تقولك ريناد تسلم
احمد: طيب
راح احمد وصار واقف من بعيد ويشوف ريناد راح تلبس الخاتم ولا لاء وريناد اول ماشافت احمد را ح طلعت الخاتم ولبسته وقتها راح احمد يجري يقول لفيصل



يتبع...............

بالانتظآر ياختي التكمله
والله قصه رآئعه جداً
ننتظرك بأسرع وقت

البارت الخامس





مر الوقت وكان موعد زفت ولاء وبعدها كانوا راح يدخلوا الاولاد علشان يسلموا على ولاء ويرقصوا معاها هي وزوجها شويه
واول مادخلوا كانوا البنات كلهم واقفين بعبايتهم علشان يتفرجوا عليهم واول ما دخل فيصل الا شاف ريناد في وجهه واقفه
وشافها لابسه الخاتم فقام ابتسم لها ابتسامه رومناسيه خطيرة وصار يرقص مع ولاء وزوجها ,,
وريناد طول الوقت وهي تتخيل نفسها مكان روئ وفيصل مكان زوجها وفيصل نفس الشي الى نهاية الفرح ,,
طلعوا ولاء وزوجها والباقي بالسيارات الي ما وصل كل واحد على بيته
استمروا على كذا فتره طويله وريناد تعد الايام وتستنى ابوها علشان يجي ويجي فيصل يخطبها وفيصل نفس الشي
الى مااتصل ابو ريناد على البيت وردت تهاني
تهاني: الو
وليد:اهلين
تهاني:اهلين فيك حبيبي
وليد:كيفكم وحشتوني
تهاني: والله تمام حتى انت مره وحشتنا وانت كيفك
وليد:والله الحمدلله تمام
تهاني:متى راح تجي
وليد:ان شاء الله بكره
تهاني:من جدك
وليد:ايوه من جدي
تهاني:الحمد لله واخيرا
وليد:ان شاء الله بكره العصر انا عندكم
تهاني:ان شاء الله مين راح يجيبك من المطار
وليد:ماادري بس انتي خلي السواق يجيني عند المطار
تهاني:خلاص ان شاء الله بس انت اول ماتركب الطياره اعطينا خبر
وليد:خلاص من عيوني
تهاني:تسلملي عيونك
وليد:يالا مع السلامه لازم اقفل الحين
تهاني:مع السلامه
راحت تهاني بسرعه علشان تقول للبنات كلهم فرحوا وخاصة ريناد حاسة انه جاها الفرج وفيصل خلاص راح يجي يخطبها
ثاني يوم جاه ابو ريناد والبنات كلهم راحو يجروا يسلموا عليه
البنات : هلا با با
وليد: اهلين ببناتي
رونا : كيفك بابا اكيد تعبان من الرحله صح
رنا: اكيد والله
وليد : من جد والله تعبان مره
روئ : يالا لازم تنام وترتاح علشان لامن تقوم في ناس يبغوك في موضوع مهم
وليد: مين يبغاني في موضوع مهم
تهاني: ولا شي بس فيصل كان يبغاك في موضوع مهم
وليد: في مشكله ولا شي
رونا : لا ء بالعكس
البنات: ههههههههههههههههه
وليد: يالا انا بروح انام سامحوني يابنات بس مره تعبان
ريناد: لا يابابا ولا يهمك اهم شي نام وارتاح وبعدين نقعد مع بعض
وقام وليد علشان ينام ويرتاح وبعد ساعتين قام من النوم وقال لتهاني
وليد: تهاني كلمي فيصل يجي يقولي ايش هو الموضوع
تهاني: خلاص ولا يهمك الحين اكلمه
قامت تهاني راحت عند التلفون علشان تكلم فيصل
تهاني: الو
فيصل : اهلين خاله
تهاني: اهلين فيك ..كيفك
فيصل: تمام وانتو كيفكم
تهاني: الحمدلله تمام ..اسمع فيصل وليد يقولك اذا فاضي اليوم تعال قوله ايش هو الموضوع الي تبغاه فيه
فيصل : من جدكم
تهاني:ايوه ليش
فيصل: ولا شي خلاص ثواني وانا عندكم
تهاني: طيب بس لاتسرع
فيصل : رراح اطير مو بس اسرع
تهاني: هههههههههه الله يعيننا عليك
فيصل : هههههه من جد يالا مع السلامه خليني اقوم اجهز
تهاني: طيب مع السلامه
وقام فيصل يجري يلبس ومابقى شي في الدلاب مالبسه بس مافي شي عاجبه الى ماقرر انه يلبس ثوب لانه عارفه ان ريناد
يعجبها الرجال لمن يكون لابس ثوب وقام روح لبيت خالته وهو في الطريق قاعد يفكر في طريقة الكلام الي راح يقوله لوليد علشان يخطب ريناد
واول ماوصل لبيت خالته ووقف عند الباب واول ما دق الجرس وردت عليه ريناد حس الكلام الي قاعد يفكر فيه طول الطريق اختفى من الفرحه
ريناد: مين
فيصل: انا فيصل
ريناد : انت من جد فيصل
فيصل: ايوه اجل بمزح
ريناد: طيب
فيصل: بسرعه لا توقفيني عند الباب كثير ترى الجو حار
ريناد: ههههههه طيب
فتحت ريناد الباب لفيصل ودخل لقيى وليد منتظره في المجلس سلم عليه وسوالف معاها شويه وبعدين سأله وليد عن الموضوع المهم الي كان يبغاه فيه
وليد: قالتلي تهاني انه في موضوع مهم تبغاني فيه ايش هو
فيصل: من غير مقدمات ولاشي اسمع ياعمي بصراحه انا احب ريناد وابغى اخطبها منك
وليد: من جد
فيصل: ايوه


يتبع .............

وين التفاعل
معقولة ماعجبكم البارت الخامس

قصة رائعة

واااااااو اللــــ يعطيكـ العايهـ ـــــــــهـ

البارت السادس







وليد: هذي الساعه المباركه اننا نناسب واحد زيك والله انا ماعندي مانع واحنا الحمد لله عارفينك وعارفين اخلاقك ماراح نلقى احسن منك
فيصل: تسلم ياعمي
وليد: بس لازم اسال ريناد واشوف رائيها
فيصل: بس لا تطولوا عليه يصير ان شاء الله نجي نخطبها رسمي
وليد: والله شكلك مره مستعجل
فيصل : والله ايوه مره
وليد: خلاص ان شاء الله يكتب الي في الخير
فيصل : ان شاء الله
سهر فيصل عند بيت خالته واتعشى عندهم وبعدين راح وكانوا البنات كلهم مستنين وليد يطلع ويقولهم الموضوع الي كان فيصل يبغاه فيه
البنات: ها بابا ايش طلع فيصل يبغى
وليد: وهو يطلع في ريناد يبغى يخطب ريناد
رونا: من جد يا بابا
وليد: ايوه من جد ما ايش رايك يا ريناد في الموضوع
رنا : هي اصلا موافقه من زمان
وليد: هههههههههههه من جد ويطالع في ريناد
ريناد: الي تشوفه يا بابا
وليد: والله فيصل مافي زيه مؤدب ومحترم واهم شي نعرفه ولا ايش رايك يا تهاني
تهاني: صح والله معاك حق
وليد: ريناد انتي اليوم سوي الاستخاره وفكري في الموضوع وردي عليه بعد يومين
ريناد: بخجل ان شاء الله وراحت تجري على غرفتها
عدت اليومين على ريناد وفيصل كانها سنتين كان هذا الكلام يوم الثلاثاء فقررت ريناد انها تبلغ ابوها عن موفقتها
واول ما عرفوا اخواتها بموافقتها فرحوا بالخبر بس اتفقوا نه يوم الخميس يبلغوا فيصل عن الموافقه
ويوم الاربعاء كان كاعدتهم يجتعوا عند بيت الجده
عند الرجال كانوا جالسين سعود وفيصل ومحمد واولاد مشاعل واول مره كان خالهم الكبير حمد يدخل لانه كان يتمنى انه فيصل يخطب بنته
حمد:فيصل تعال ابغى اقولك شي واخده وراح المجلس الثاني
فيصل: خير خالي خوفتني
حمد: سمعت انك خطبت ريناد
فيصل : ايوه والله واخير االحمدلله
حمد: قالوا لك ردها
فيصل: لا والله لسه
حمد: انا اليوم كلمني وليد وقالي ردها
فيصل : من جد ياخالي ايش قالت
حمد : راح اقولك بس لاتعصب ,,رفضتك وماوافقت
فيصل : من جد ولا تمزح
حمد: انا عمري مزحت معاك
فيصل: _________
حمد: اصلا انت ايش متوقع منها

يتبع..........

وينككككككككككككككككم

البارت السابع

هنا فيصل سيب خاله يتكلم ودف الباب وراح يجري عند باب الشارع وفجاءه الكل سمع الباب لمن اتخبط وقام بسرعه اما فيصل صار يجري في الدرج ويبكي ويصرخ ليش ليش
وماانتبه انه طلع على خط السيارات وفجاءه تجي سياره طايره من السرعه و تطير فيصل معاها في هذي اللحظه ريناد قلبها صار يدق وقتها سمع الكل صوت تفحيطه قويه
ريناد: لالالا فيصل
نزل يجري سعود ومحمد لقيه فيصل في الارض وكله دم من قوة الصدمه لانه وقتها طاح على قزاز كان مكسور في الارض ودخل كله في جنبة من الجهه اليسار
راحت ريناد تجري تطالع من الشباك لقيت الناس متلمين حولين فيصل وهو صارت تبكي الكل حاول يهديها وهي مره منهاره
اتصل سعود على الاسعاف وجاه اخد فيصل وراح معاه سعود على المستشفى وهناك دخلوه على طول على العمليات
وريناد في البيت تبكي وكانت تبغى تروح لفيصل المستشفى علشان تكون قريبه منه فقرر محمد انه ياخدها ويروحوا المستشفى
راحت رينا د وامها ومحمد ورونا المستشفى
قعد فيصل في غرفة العمليات 3 ساعات وريناد واقفه عند الباب مستنيه أي احد يطلع يقولها أي خبر عن فيصل
وفجاءة تطلع الممرضه تجري تنادي دكتور ثاني راحت ريناد تجري عندها تسالها ايش في فقالتلها انه مره تعبان ويبغوا دكتور ثاني يساعدهم
ومرت ساعه واثنين واخيرا طلع الدكتور راحت ريناد تجري عنده علشان تتطمن على فيصل
ريناد: وهي تبكي دكتور كيف فيصل كيف حبيبي
الدكتور: الحمد لله لحقنا عليه في اخر لحظه القزاز مادخل مره عميق بس مره نزف كثير احنا الحين منتظرين انه يفوق
ونتاكد انه بخير
ريناد: طيب هو ايش صار فيه
الدكتور: انكسرت يده اليسار ورجله االيسار فيها شعرين وشويه جروح في وجهه هذا غير الزجاج الي كان في جنبه اليسار لانه من الواضح انه الصدمه كانت من الجهه اليسار
ريناد : وهي تبكي طيب امانه يادكتور يعني فيصل طيب
الدكتور: ان شاء الله اهم شي ادعولوا
ريناد:يارب تقوم بالسلامه ياحبيبي
جاه وليد اول ماعرف الي صار واوا ماشفته ريناد راحت تجري ضمته وصارت تبكي بقوه
قاعدوه ينتظروا فيصل انه يفوق علشان يتاكدوه انه بخير وهنا محمد اتصل على امه علشان يقول لها الي صار مع فيصل وتجي هي واخوه الكبير فهد
ويطلع الدكتور ويقولهم انه فيصل فاق وانه طيب والحين راح ينقولوا على غرفه فوق وقتها رينا د ومن دون شعور سجدت على الارض وحمدت ربها انه فيصل طيب
طلع اثنين من الممرضين ومعهم فيصل على سرير العمليات علشان ياخدوه على فوق ووقتها ريناد شافته وقعد تبكي وتفتكر شكله لمن كان يعاندها وشافت فيصل الي كان كله حيويه وحركه الحين على سرير ماراح يقدر يتحرك لمدة 4 اشهر
صار الكل ماشي واره سرير فيصل الى ان طلعوه فوق في غرفته وسلم عليه الكل وجات امه وفهد ودخلوه عنده سلموا عليه
كان عند فيصل في الغرفه تهاني وايمان وفهد ومحمد وسعود ..وريناد واقفه بره خايفه تدخل وتشوفه الا جاها وليد و قالها انها تدخل علشان يشوفها فيصل ويفرح لان أهم شي نفسيت فيصل ما تتعب
راحت ريناد قربت عند الباب وجاه ابوها حط يده على كتفها علشان يشجعها انها تدخل وقررت في هذا الوقت انها تدخل فتحت الباب ودخلت واول ماشافها فيصل صار يبكي الكل ماكان متوقع الكلام الي فيصل راح يقوله لريناد
فيصل:وهو مو قادر يرفع راسه انتي ليش جايه
ريناد: مصدومه انا
فيصل: ايوه انتي ايش تبغي مني ثاني
ريناد: انا
فيصل:ليش رفضتيني ليش عيشتيني على حلم ليش ماقولتلي من زمان كان مابنيت احلام على الفاضي كان ما اتعلقت فيكي
وصار يبكي بقهر
ريناد: مين قالك اني رفضتك
فيصل: كمان ماكنتي تبغيني اعرف ليش ليش ياريناد وانا الي حبتك من كل قلبي وصرت مكان مااروح اشوفك معايا انا ايش سويت لك لدي الدرجه هنت عليكي وهان حبي عندك خلاص روحي اطلعي بره وسيبيني خلاص ماابغى اشوفك ودار وجهه
ريناد: انا اصل مارفصتك بالعكس اول ماقالي بابا قولتله ردي وبعدين انت مين قالك
فهد : خلاص قال مايبغى يشوفك اطلعي بره
ايمان: مو كفايه ولدي كان راح يموت بسببك ماكافكي
فيصل: استني يا امي يعني انتي مارفضتيني
وليد: اول شي انت مين قالك انها رفضتك
فيصل:خالي حمد
وليد: طيب ياحمد والله ما اسيبك
فيصل : وهو مره متالم ريناد ردي عليه انتي يعني تبغيني ولا لاء
ريناد: عندك شك اني ماابغاك
فيصل: جاوبيني
ريناد: وهي تبكي ايوه ايوه ابغاك ومااقدر اعيش من غيرك ,,وصار تبكي بقهر
فيصل:متاكده
ريناد:عندك شك
فيصل: انا الحين ارتحت وغمض عيونه
ريناد: فيصل فيصل ايش فيك رد عليه
فيصل:_________
سعود حاول يحرك فيصل بس مافي نتيجه
ريناد: احد ينادي الدكتور بسرعه
راح محمد يجري نادى الدكتور وجاه هو والدكتور
الدكتور : فضوا الغرفه بسرعه
ريناد:ليش ايش فيه فيصل
وليد:تعالي يابنتي نطلع
ريناد:لا لا ابغى اكون جنب فيصل
وليد :طيب خلي الدكتور يشوف ايش فيه وبعدين ارجعي ثاني



يتبع ..............ز

البارت الثامن






طلعوا كلهم خارج الغرفه الا محمد قعد مع الدكتور وصار الدكتور يكشف على فيصل يحاول يعرف ايش صارله وليش فقد وعيه وبعد فتره رجع فيصل صحي اطمن عليه الدكتور واعطاه ابره منومه علشان يرتاح لانه مو طيب عليه المجهود والانفعال وكمان مو طيب عليه لو رجع اغمى عليه ثاني وطلع يطمن الباقي
الدكتور : الحمدلله استعاد وعيه بس اعطيناه ابره منومه علشان يرتاح وما ينفعل وان شاء الله بكره يصير احسن
وليد:طيب هو مافي أي خطر على حياته
الدكتور: لا ان شاء الله بس اهم شي انتو ادعولوا
وليد: تسلم يادكتور
الدكتور :الله يسلمك وراح
سعود:خلاص انتو الحين ارجعوا البيت انا راح اقعد عنده
محمد: لا انا راح اقعد
سعود:انت عندك زوجتك اما انا ماعندي احد يالا روح انا الي راح اقعد
وليد:ايوه صح يا محمد سعود معاه حق
محمد:طيب راح اروح بس امانه اول ما يصير شي تكلمني تقولي
سعود: ولا يهمك
وليد:يلا احنا كمان نروح
ريناد: وهي تبكي سعود الله يسعدك كل شويه كلمني طمني على فيصل
سعود:ان شاء الله ولايهمك وانتي أي وقت اتصلي
رجعت ريناد مع امها وابوها لبيت جدتهم وهناك لقي وليد حمد قدامه واقف فا راح على طول وضربه ومسكه من ثوبه وقاله والله لو صار لفيصل شي ماحد راح يفكك من يدي يا نذل
وهنا الكل عرف عن الي صار مع فيصل ومين السبب فيه فقامت الجده وطردت حمد من البيت
وثاني يوم قام فيصل وطلب من سعود انه يكلم ريناد علشان يعتذر منها لانه صدق انها رفضته وعن الكلام الي قالوا لها امس واخد جواله واتصل واول ما شاف ريناد رقم فيصل حست نفسها تبكي لانها افتكرت ايام زمان وما قدرت تسيطر على اعصابها وبكيت وبعدها ردت
فيصل:الو
ريناد:_________
فيصل:ريناد انا عارف انك على الخط وعارف انك زعلانه مني ومعاكي حق بس والله انتي لو مكاني ايش راح يكون موقفك.
ريناد:انا لو مكانك مستحيل اصدق كلام عنك من أي احد فيصل انت على طول اتهمتني وجرحتني قدام الكل وحتى مااعطيتني أي مجال ادافع عن نفسي,,,وصارت تبكي بقهر
فيصل:والله عارف اني غلطان بس انتي الله يسعدك لاتحكمي على الكلام الي قلته وانا تعبان صدقيني ماراح تتخيلي انا قد ايش ندمان وانا مستعد لاي شي تطلبي مني والله لو تبغيني اعتذر منك قدام الكل بعد ما جرحتك قدامهم وصار يبكي
ريناد: لا يا فيصل ولا يهمك اصلا انا خلاص ماني زعلانه بس اهم شي انت لاتبكي
فيصل: من جد مانتي زعلانه ولا بس علشاني تعبان تقولي كذا
ريناد:لا والله من جد ماني زعلانه وبعدين خلاص اهم شي انك اعتذرت مني انا اما الباقي مايهموني واهم شي كمان انك تعرف وتصدق اني ما رفضتك
فيصل:والله مصدقك
ريناد:فيصل
فيصل:عيون فيصل وروحه
ريناد:ماقلتلي انت كيفك الحين حاسس بشي
فيصل:كنت تعبان بس لمن سمعت صوتك ارتحت مره
ريناد:من جدك تعبان
فيصل:لا الحمدلله امزح معاكي ..وهو يحاول يخفي المه
ريناد:اكييد
فيصل: ايوه اكيد
ريناد:الحمدلله
فيصل:ريناد ان شاء الله اول ماراح اطلع من المستشفى راح اجي اخطبك رسمي حتى وانا لسه بالجبس
ريناد:ههههههههههه
فيصل:ليش بتضحكي
ريناد:ولا شي
فيصل:من جد ليش
ريناد:متخيله شكلك وانت جاي تخطبني بالجبس
فيصل:تتريقي ها
ريناد: لا والله
فيصل: طيب ايش قولتلي
ريناد:انا راي نستنى لمن تفك الجبس لان هاهم شي عندي الحين صحتك.
فيصل:يعني لسه موافقه
ريناد:اكيييييييد
فيصل:خلاص راح احاول اني استنى الى ما افك الجبس بس ما اوعدك
ريناد:طيب
فيصل:طيب ياروحي راح توحشيني مرره
ريناد:وانت كمان
فيصل: وانا كمان ايش
ريناد:__________
فيصل:فين روحتي
ريناد:ولا مكان
فيصل: وانا كمان ايش ماجاوبتيني
ريناد:ايش تبغى
فيصل:ابغاكي تجاوبيني
ريناد:على ايش
فيصل: وانا كمان ايش
ريناد:انت عارف
فيصل:لا ماني عارف
ريناد لازم اقفل الحين
فيصل:بس ما جاوبتيني
ريناد:راح توحشني وقفلت على طول علشان تقطع الموضوع
فيصل:يابعد روحي ياريناد الله لا يحرمني منك وهنا يدخل سعود عليه الغرفة
فيصل:يالطيف الناس تدق الباب الغرفة قبل ما تدخل
سعود:ان شاء الله يا استاذ فيصل المرة الثانية
فيصل:طيب طيب تتريق انت ووجهك
سعود:ايوه عندك شي
فيصل: لاءم اعندي شي الحين بس انا اوريك بعدين
سعود:طيب نشوف يا مكسر
فيصل : طيب طيب ياشاطر
وفي هذي اللحظه يدخل الدكتور عليهم وينهي مضاربتهم علشان يكشف على فيصل ويطمن عليه ويسالوا عن ريناد امس

يتبع...........